Siðlausi siðfræðingurinn, Stefán Einar Stefánsson lauk náttúrulega árinu með viðtali við meistara sinn Bjarna Benediktsson, formann flokksins þeirra. Og leyfði honum að ræpa duglega yfir nýja ríkisstjórn.

Og afsaka mögulega frestun á landsfundi svo hann geti hangið lengur sem formaður og kveðið niður mótframboð. Talandi um flokk sem ætlar sér að tortíma sjálfum sér eftir afhroð í síðustu kosningum.

Enn og aftur eru gamlingjar frá „Foreldrasamtök gegn áfengisauglýsingum“ að dreifa drullu yfir landslýð í veikri von um að svipta okkur frelsinu. Vilja fá í lög að bannað sé að versla áfengi á erlendum netsíðum. Sem er ekki hægt nema að lagt sé bann við allri verslun á netinu.

Þetta eru leiðinlegustu menn landsins!

Veit ekki hvað er í gangi með mig. Dreymi stöðugt sjálfan mig í góðum gír með fólki sem ég er virkilega ósammála eða tel mig ekki líka við. Erum á vinalegu nótunum og hlæjum saman. Að tala um allt annað en það sem skilur okkur að.

Segir mér að ávallt sé hægt að finna sameiginlegan umræðugrundvöll og halda áfram frá þeim punkti. Að óþarfi sé að leggja hatur á fólk fyrir andstæðar skoðanir. Við erum öll mennsk á okkar eigin hátt.