Landgönguliði hefði getað skotið framhjá og hlíft áhorfendum við skaða. Í staðinn var fenginn til verksins gutti án þjálfunar. Til hamingju Republikanar! Faðir liggur í valnum og tveir aðrir áhorfendur eru á gjörgæslu. Allt til þess að auka vinsældir þessa fávita fyrir landsþing Republikana.

Og enginn virðist þora að efast um skotárásina. Þó vitni hafi komið fram og bent á að lögreglan hlýddi ekki á ábendingar um að skotmaðurinn væri að klifra upp á þak með riffil á bakinu. Litu bara í hina áttina meðan Trump fékk skipun í eyrað um að krjúpa á bak við púltið og sulla yfir sig tómatsósu.

Ameríka er orðin svo heimsk að hún á sennilega bara skilið að brenna í helvíti. Lýðræðistilrauninni sem hófst 1776 mun ljúka í nóvember 2024 með „sigri“ Trump. Bandaríkin og Rússland munu bindast vinaböndum og Úkranía mun falla.

Næst á dagskrá eru Eystrasaltslöndin og Pólland. Og Trump er alveg sama.

Sjitturinn, titturinn! Hef ekki orðið svona lasinn í lengri tíð. Er fyrst núna að skríða saman eftir næstum tveggja vikna lasleika. Hita, hausverk, hósta, nefrennsli og beinverki.

Allt í boði íslenska sumarsins og þess að hafa vogað sér í vinnuna dagstund. Refsing fyrir að hafa hangið að mestu heima í fjóra mánuði án þess að fá hráka og hósta í andlitið.

Kominn tími til að dröslast aftur á færibandið. Mæta til vinnu og byggja aftur upp ofnæmiskerfið.

Ótrúlegt að stórveldi sem telur þrjúhundruð og eitthvað milljónir skuli ekki geta komið sér upp betri frambjóðendum en þessa ellibelgi.

Annar hraðlyginn spillingarpési sem hvatti til uppreisnar eftir versta kjörtímabil nokkurs forseta og hefur ekki enn verið kærður fyrir landráð og tekinn af lífi af fimm manna aftökusveit. Og enn spurning hvort hann hafi sigrað í raun og veru án aðstoðar rússneskra hakkara.

Hinn farsæll varaforseti og forseti sem skilar góðu búi, en er orðinn frekar hrumur og má alveg við að fara hvíla sig eftir langan feril sem opinber þjónn landsins. Besta sem hann gæti gert er að draga sig í hlé og hleypa öðrum að. Viðurkenna elli sína.

Annar kostur fyrir Demókrata væri að skipta út óvinsælu varaforsetaefni svo bandarísk þjóð eygði einhverja framtíð með því að kjósa Joe Biden.

Draumurinn væri náttúrulega Clooney/Springsteen. George Clooney sem forseti og Bruce Springsteen sem varaforseti.