Pappakassar eru illa miðaldra menn sem vilja banna allt og neyta okkur hinum um minnstu gleði. Þeir eru kvæntir góðum konum sem ekkert aumt og erlent mega sjá.

Leitt að sjá að hnífstunguárásin í fyrra sem leiddi til hörmulegs dauðsfalls ungrar konu sé notuð til að réttlæta styttingu dagskrár Menningarnætur og til að færa tónleika bæjarhátíðarinnar í túninu heima í Mosfellsbæ frá laugardagskvöldi yfir á sunnudagseftirmiðdegi til að koma í veg fyrir meinta unglingadrykkju.

Kjörnir pappakassar elska að nýta sér ömurleg atvik til að vera með leiðindi. Boða bönn og þrengingar. Segja fólki fyrir verkum í stað þess að neita ofbeldismanninum sigurverðlaun fyrir að skapa leiðinlegra samfélag.

Herða skal tökin. Fara í mál við frelsisbera í netsölu á áfengi sem björguðu geðheilsu minni þegar ég lá veikur heima með fótamein meðan risaeðlan Vínbúðin var og er ekki með heimsendingar. Öll önnur íslensk fyrirtæki sendu mér vörur heim að dyrum. Jafnvel apótek.

Ferkantaða fólkið naut sín einkar vel í Covid. Eftir að faraldrinum lauk ákváðu þau að fara herma eftir Donald Trump og MAGA. Ljúga og gaslýsa fólk þeim ósammála. Veifa palentískum fánum á sautjánda júni og sulla rauðri málningu á blaðaljósmyndara þeim ekki að skapi.

Eldri pappakassar tilheyra foreldrasamtökum gegn áfengisauglýsingum = ritskoðunarsinnar. Fagna nú ógurlega því að lögreglan ætlar loksins að kæra einhverjar tvær netsölur fimm árum of seint. Dómarinn mun umsvifalaust senda kæruna aftur heim í hérað til frekari rannsóknar vegna tafa.

Menningarnótt er um næstu helgi með styttri dagskrá um klukkustund. Eins og það eigi að koma í veg fyrir hnífaburð og ofbeldi.

Jú, jú. Aukin öryggisgæsla og allt það. Ölvaðir foreldrar hvattir til að huga að ungviði sínu. Draga þau organdi heim eftir að dagskrá lýkur um kvöldið.

Skil samt ekki hvort klukkutími til eða frá breyti nokkru.