Sumarið hopar smásaman fyrir haustinu. Bara Menningarnótt eftir og svo köld rútínan.

Eflaust gleðiefni fyrir foreldra sem hafa neyðst til að haft ofan af fyrir krakkakrílunum sínum í allt sumar. Og eiginkonum með glaða og grillandi eiginmenn með einn kaldan á kantinum úti í garði fyrir hvern kvöldmat.

Aðeins grámyglulegur vetur framundan. Frost, klaki og svell. Jeiiii!

Þau einu sem eru frjáls til að bera skoðanir sínar á torg eru einstaklingar sem tjá sig á eigin hlaðvarpi og þiggja vonandi nægar tekjur fyrir. Við hin neyðumst til að halda kjafti eða tjá okkur undir nafnleynd.

Að vera hótað atvinnuleysi (arbeitsverbot) fyrir skoðanir þínar vegna þess að þú starfar einhvers staðar er kristaltær fasismi í takt við Trump. Hvernig virkar slíkt í lýðræðissamfélagi!

Þú neyðist til að viðra skoðanir þínar undir nafnleysi. Annars ertu krossfestur af góða fólkinu sem telur sig vera að vernda tjáningarfrelsið með því að segja þér að halda kjafti.

Þess vegna krota ég hér undir nafnleysi. Hef enga þörf fyrir að birta þrasið mitt undir nafni. Finnst bara gaman og hreinsandi að tjá mig hér á netinu um málefni líðandi stundar.

Og afleiðingin af því að múlbinda fólk. Menn eins og Trump komast til valda og tortíma lýðræðinu.