Samkvæmt femínismanum þá er flest okkur karlmönnum að kenna.  Við fundum til dæmis upp skó, hárgreiðslur og snyrtivörur til að kúga konur.  Svona álíka sennilegt og að þorri karla samtímans séu ekki skófíklar og umhugað um útlit sitt.

Nú kann að hljóma eins og ég sé ekki meðmæltur jafnrétti kynjanna.  Að femínistar fari í taugarnar á mér.  Því fer fjarri lagi!  Skil bara ekki sum rökin. Hvernig flest slæmt sem hendir konur sé okkur karlmönnum að kenna.

Að vera í hlutverki fórnarlambsins er engum til góðs til lengdar!  Hef sjálfur gengið í gegnum þau svipugöng.  Að kenna öllum öðrum um ógæfu mína og bresti.  Sem betur fer fann ég nógu skýran spegil til að horfast í augu við.

Frá þeirri stundu hef ég vonandi vaxið og gleymt að mestu þeim ímynduðu kúgurum sem áttu að hafa haldið mér niðri.  Við sköpum okkar fangelsi sjálf. Lokum okkur inni og bendum á aðra sem ímyndaða fangaverði.

Neitum að skilja að gæfan er undir okkur sjálfum komið!

„Dauði og salti jökull“ er tilvitnun eignuð Einari Benediktssyni skáldi um Ísland. Sjálfur er ég farinn að skilja hana eins og sumarið hefur verið hér á höfuðborgarsvæðinu.  Höfum varla litið bjartan dag frá því snemma í vor.  Regnið hefur verið stöðugt.

Sumarið 2013 hefur verið hástemmdur forleikur að haustinu.  Er farinn að halda að á Íslandi séu aðeins tvær árstíðir: haust og vetur.  Er nema von að fólk flykkist á ferðaskrifstofurnar þessa dagana og greiði toppverð fyrir flug héðan í sólina.  Geðheilsa heilu fjölskyldnanna er í húfi.

Varð staðnæmst við sólarvarnirnar í Bónus.  Hreyfðust greinilega hægt.  Ryk var farið að falla á fremstu flöskurnar.  Hér brennur enginn þetta sumarið.  Bravó! Og hinar björtu sumarnætur eru hljóm eitt undir skýjahulunni.  Þarf að kveikja ljós á kvöldin.

Mér finnst merkilegt hve karlar hræðast femínista.  Kalla þær öfgafemínista í hræðslu sinni.  Hæða þær og bölva þeim niður í dýpstu myrkur Helvítis.  Eru greinilega í vandræðum með karlmennsku sína og kenna konum um.

Öfgar eru nauðsynlegar þegar kemur að jafnréttismálum.  Hver kynslóð neyðist til að berjast fyrir jafnrétti kynjanna.  Og kjarnyrt íslenska dugir ein til að ná heyrnum fólks.  Feðraveldið er því miður of ríkjandi.  Stór hópur karla lítur enn á konur sem hluti og komast upp með það.  Því verður að breyta.