Ja, hérna ,hér! Gamla (mamma) hefur lánað mér massa gott reiðhjól svo ég get ekki lengur afsakað mig.  Þvílíkt góð líkamsrækt fyrir gildan gosa. Verð að viðurkenna að það tók smá tíma að finna jafnvægið aftur. Kunnáttan gleymist með árunum þrátt fyrir fullyrðingar um annað.

Kemst nú lengri vegalengdir og get skoðað mig um borgina. Þarf ekki lengur að kjaga um sömu sveittu stígana eins og gæs. Hlussast í staðinn um á fáki fráum fram um veg og brenni umhverfisvænasta eldsneyti veraldar; aukakílóum vestræns offitusjúklings.

Tjill er vanmetin iðja.  Í kjölfar hrunsins er lenskan að fylla daginn af verkefnum. Helst þeim sem krefjast líkamsburða.  Annars er deginum sóað í tóma vitleysu. Dugir ekki að sitja heima og lesa.

Fyrir mér eru helstu gæði lífsins fólgin í að sitja og horfa á veggi. Láta hugann reika um fortíð, nútíð og framtíð.  Svona get ég setið tímunum saman og tjillað. Einn með sjálfum mér, penna og skrifblokk.

Snorri í Betel var rekinn í dag fyrir að pönkast á samkynhneigðum og transfólki á blogginu sínu.  Og er það sorglegur ósigur fyrir tjáningarfrelsið.

Snorri er þess fullviss að hægt sé að bæla niður kynhneigð fólks. Og hann leggur samkynhneigð til jafns við barnagirnd.  Þetta séu tilfinningar sem hægt sé að stýra í aðra og betri átt. Skólayfirvöld og meirihluti foreldra á Akureyri eru honum ósammála.

Snorri á ekki að verða fyrir starfsmissi vegna trúarskoðanna sinna.  Ég lét þau orð falla fyrr í vetur að ég myndi fórna lífi mínu fyrir málfrelsi manna eins og Snorra sem ég er langt í frá sammála.  Ég stend við þau orð.  Tjáningarfrelsið er heilagt!

Snorri á ekki að þurfa að gjalda fyrir lífsskoðanir sínar svo lengi sem þær smitast ekki út í kennsluna.  Og mér skilst að Snorri hafi ekki verið með neins konar trúboð í sínum störfum.  Hlýtur að vera í lagi fyrir hann að tjá sig á netinu í frítíma sínum.