Verslaði með Bjarna Ben. formanni Sjálfstæðisflokksins í Vínbúðinni við Dalveg. Eða þannig.  Ætlaði ekki að þekkja gaurinn án jakkafatanna.  Og hann er hávaxnari en í sjónvarpinu.  Var að týna eðal rauðvín og bjór í kerru með konunni sinni.

Kom mér á óvart að þau fengu að vera í friði.  Eða allt þar til Bjarni fór út með veigarnar í gráa Reinsann þeirra.  Þá stóð einhver mannvitsbrekkan yfir honum og messaði með fingurinn út í loftið eins og Marteinn Mosdal sjálfur.  Bjarni tók því með jafnaðargeði enda aldrei að vita hverju svona æstir menn geta tekið upp á að gera.

Sennilega ekki svo galin regla að ef maður hefur ekkert fallegt eða uppbyggilegt að segja við fólk, þá eigi maður bara að þegja og hugsa sitt í hljóði.   Tala nú ekki um ef maður þekkir viðkomandi ekki persónulega.  Skrifaðu frekar bréf eða kjallaragrein.  Allir eiga rétt á sínu einkalífi.

Júróvisjón löngu gleymt og ný helgi tekin við.  Nú er sjómannadjamm á dagskrá. Vantar eiginlega rigninguna og rokið sem var svo einkennandi í æsku.  Veit ekki hvort ég nenni niður á Granda.

Er að drepast úr hita og er ómótt.  Ekki bæta lögulegu stúlkurnar sem svífa hálfnaktar framhjá.  Geng sveittur og haltur með hálsríg um götur borgarinnar.  Sumarið er komið!

Einn viðbjóðslegasti morðingi og nauðgari þjóðarinnar er laus skv. dv.is: http://www.dv.is/frettir/2012/5/25/laus-eftir-12-ar-i-fangelsi/  Segi það og skrifa.  Af hverju er ekki dauðarefsing á Íslandi?  Hvers á þjóðfélagið að þurfa að gjalda með þennan óþverra lausan á götunum?  Eigum við bara að bíða róleg þar til þetta kvikindi lætur til skarar skríða á ný?

Einn vinnufélagi minn fræddi mig einu sinni hvað þyrfti að gera við hunda sem ekki væri hægt að þjálfa og væru hættulegir frá fæðingu.  Hann átti einn slíkan og sá þann kost einan að fara með hvutta út fyrir bæinn og skjóta í hnakkann.  Annað var ekki í stöðunni.

Nauðgandi morðinginn hér að ofan er þannig einstaklingur.  Spurning hv0rt ekki þurfi að loka hann enn lengur inni.  Fyrr verðum við hin ekki óhult.  Stundum dugir mannúðin og fyrirgefningin ekki.  Því miður.  Þessi viðbjóður mun sennilega nauðga og myrða aftur ef hann er ekki passaður vel.  Sannaðu til!