Megas fær stórt prik frá mér fyrir að hafa hafnað heiðursverðlaununum á sínum tíma vegna þess að hann gat ekki hugsað sér að taka í spaðann á Finni Ingólfssyni þáverandi ráðherra Framsóknar.  Vildi ekki þurfa að snerta gaurinn.

Djöfull skil ég hann vel.  Finnur er nefnilega einn af umboðsmönnum Andskotans og skammast sín ekkert fyrir það.  Reyndar er allur fjórflokkurinn meira og minna á mála hjá Djöflinum í von um nógu þægileg sæti.

Skiptir litlu hvernig stjórnin er samansett.  Almenningur tapar og hinir ríku græða.  Same old stuff!  Ný framboð ganga um síðir inn í fjórflokkinn og heimta sitt.  Íslenskt lýðræði er löngu dautt!

Grunnskólum Reykjavíkur var beyglað saman í hagræðingarskyni af kjörnum fulltrúum sem svo verðlaunuðu sig með vikuferð til New York á Biophiliatónleika Bjarkar Guðmundsdóttur.  Allt á kostnað borgarinnar.  Auðvitað!  Hvað er ein komma fjórar milljónir á milli þriggja einstaklinga.  Sú fjórða greiddi víst sjálf sinn farseðil.

Gat þetta lið ekki dröslast á eina af sex tónleikum Bjarkar í Hörpu síðastliðið haust?  Og af hverju þarf borgarsjóður að borga brúsann.  Getur þetta lið ekki látið sér nægja óvissuferð innanlands eins og aumingjarnir sem greiða útsvarið?

Afsökunin var sú að þetta væri fyrsta ferðin á kjörtímabilinu sem er ekki einu sinni hálfnað.  Mega borgarbúar þá búast við annari ferð áður en því lýkur?  Landið er á kúpunni og þetta pakk leyfir sér svona lúxus og sjálftöku úr sameiginlegum sjóðum borgarinnar.  Hvað varð um „að allir yrðu að færa fórnir.“

Svo dirfist þið að kalla ykkur jafnaðarmenn.  Skammist ykkar!!!

Fokk!  Svarti listinn hennar Hildar er horfinn af Facebook.  Vildi sjá hvort ég hefði náð inn á hann.  Efast samt um það.  Komst þó sennilega nálægt því þegar ég var að hugsa um að bera í bætifláka fyrir Jón Baldvin kratakóng.  Ég hætti sem betur fer við það.  Enda maðurinn augljóslega vaðandi barnaperri.

Karlrembusvín og kvenhatarar gleyma að netvædd orð þeirra segja svo margt um þá sjálfa.  Sennilega er þeim skítsama og líður bara skrambi vel í eigin orðræpu.  Sælir eru fattlausir því þeir vita ekki hvað þeir eru vitlausir.