Ég velti fyrir mér.  Eru verktakarnir aftur komnir á kreik niður í 101 Reykjavík?  Farnir að bjóða í íbúðir og hús til niðurrifs svo byggja megi stærra og hærra.  Hávær orðrómur gekk um fyrir hrun að gerðir hafi verið út hópar útlendinga sem hópnauðguðu konum í húsasundum til að vekja ótta meðal íbúa sem vildu ekki selja.  Eru þessir hópar komnir aftur á kreik?

Stúlku var nauðgað niður í bæ af hópi manna í dimmu húsasundi.  Þvílíkar hetjur.  Hljóta að hafa verið svo stoltir af sjálfum sér þegar þeir vöknuðu í morgun.  Eiga síðan eftir að grínast með sálarmorðið næst þegar þeir fara saman á djammið.  Þessir óþverrar verða að nást og fá almennilegan dóm.

Persónulega finnst mér að ætti að gelda þá og birta myndir af þeim í fjölmiðlum eftir að dómur er fallinn.  Ölvun er engin afsökun.  Hópþrýstingur ekki heldur.  Vonandi rotna þeir í Helvíti.

Olíuverð hækkar frá degi til dags og eina svar stjórnvalda er að ríkið verði að fá tekjur á móti ef lækka eigi gjöld á bensínlítranum.  Ég spái að með síminnkandi umferð muni ríkið setja sérstaka skatta á strætófargjöld, reiðhjól og gönguskó.  Við sleppum aldrei!

Hef ekki lesið Nýtt Líf en það er víst uppselt hjá útgefanda.  Fyrstu viðbrögð mín voru að nú væri hengingarhópurinn kominn af stað enn á ný.  Nú skyldi taka einhvern þekktan af lífi með því að grafa upp gömul bréf og túlka þau frjálslega.

Svo fór ég að pæla.  Af hverju var maðurinn að lýsa kynlífi þeirra hjóna?  Af hverju sendi hann bréf til stelpunnar í gegnum Melaskóla og svo seinna sem sendiherra í Washington?  Kannski vegna þess að foreldrar hennar og systkini máttu ekki sjá, og að diplómatapóst má ekki opna þrátt fyrir grun um eitthvað misjafnt.  Þetta pukur er nú ekki að hjálpa manninum neitt.

Að vísu hefur Jón beðist afsökunar á dómgreindarleysi sínu.  Átti auðvitað ekkert með að skrifa svona til barnungrar frænku konu sinnar.  Hefur sennilega verið kominn í viskíið. Ekki að það sé einhver afsökun.  Gruna þó að þarna búi eitthvað meira á bak við.  Að öll sagan sé ekki sögð.  Bréfin segja samt sína sögu.