Um nornaveiðar.  Nýjasta fórnarlambið er Gunnar Andersen forstjóri Fjármálaeftirlitsins.  Nú á að koma honum út áður en hann nær verulegum árangri.  Dugandi embættismenn eru hiklaust reknir.  Embætti sérstaks saksóknara verður svo umsvifalaust lagt niður þegar Framsóknaríhaldið kemst aftur að völdum.

Geir H. Haarde er allt í einu orðinn fórnarlamb og meirihluti þingheims vill skyndilega hætta við málsókn á hendur honum.  Enda vill spillt þing ekki að vitnisburðir málsins komi undir dagssljós.  Þá mun koma í ljós samkrull stjórnmála og fjármála fyrir og eftir hrun.  Það vill enginn spilltur þingmaður á Nýja Íslandi.

Sé á dv.is að nú ætli Nýtt Líf að hengja Jón Baldvin Hannibalsson fyrir bréfaskriftir til unglingsstúlku innan fjölskyldu Bryndísar konu hans.  Stúlkan er núna þrítug.

Veit ekkert um málið en sýnist eins og að nú eigi að búa til hinn íslenska Dominic Strauss-Kahn úr Jóni Baldvini.  Við karlmenn erum nefnilega svín!

Tölublaðið kemur reyndar ekki út fyrr en á morgun.  Finnst reyndar skrítið að Jón Baldvin hafi ekki fengið pláss í því til svara ásökunum þeim sem á hann eru bornar.  Einhliða ásakanir eru svo asnalegar þegar viðkomandi er tilbúinn að bregðast við þeim.

Óánægður lántakandi hjólaði í starfsmann Dróma sem sér um að innheimta lán Frjálsa Fjárfestingabankans og SPRON.  Er nema von.  Þetta eru hrægammar frá Helvíti sem verðleggja eignir allt of hátt til þess eins að kreista sem mest fé út úr fólki.

Svona óþokka á að hengja upp í hæsta tré og svo tjarga með tjöru og fiðri.  Hef enga samúð með svona fávitum.  Þeir kalla yfir sig ofbeldi og reiði fólks með hátterni sínu.  Árásarmaðurinn á Fálkaorðu skilið.

Skilst reyndar af fréttum að hann verði ekki kærður.  Enda enginn slasaður eftir átökin.  Bara réttlát reiði að fá útrás.  Enginn vill vera rændur og kúgaður af bankanum sínum.