Alltaf sama sorgarlesningin blessaður álagningarseðillinn.  Skil ekkert í mér að skoða svona leiðindi.  Greiði glaður fleiri og betri rými fyrir aldraða en sé eftir hverri krónu sem fer í útvarpsgjaldið.

Enda skila þeir fjármunir sér alls ekki allir upp í Efstaleiti til Páls útvarpsstjóra. Ríkið hirðir drjúgan skerf af því í annað sukk. Restinni er eytt í drasl eins og Andra á flandri og fólkinu seld sú lygi að maðurinn sé fyndinn.  Er bara ekkert annað í boði.

Ekki er Flikk flakkið hennar Gunnu Dísar skárra.  Og morgunsamvinna þeirra á Rás 2 orðin ansi þreytt.  Farið nú að hætta þessu!  Gæðamunurinn hefur sést svo vel þessa vikuna meðan vinirnir Helga Braga og Steinn Ármann hafa leyst þau af hólmi.

Ég heimta skárri dagskrá fyrir aurinn minn!

Ljótt er það! Sæmilegt veður helgina fyrir versló táknar bara eitt: að það mun rigna eldi og brennisteini á Þjóðhátíðina í Eyjum.  Nei, ég segi svona.  Vonandi ekki því þá fer ÍBV á hausinn. Drullumallið á Ísafirði lifir hinsvegar af öll veður enda nóg að eiga bíldruslu til að komast þangað.

Djöfullega dýrt inn á lokadjammið í Eyjum.  Tíuþúsund kall, takk fyrir!  Held að það sé laust í dallinn seinnipartinn frá Landeyjum og tólf tímum seinna klukkan fjögur um nóttina til Landeyja. Eins gott að djamma hratt og drepast ekki. Annars kemst viðkomandi ekki upp á land fyrr en á þriðjudag … í  fyrsta lagi.

Æ, rosalega er gott að vera orðinn gamall og lúinn og búinn með sukkkvótann.

Útlendingastofnun er stórmerkilegt fyrirbæri.  Þar innan borðs virðist starfa fólk sem er fullt af þvermóðsku og hatri gegn asísku fólki sem vill sameinast fjölskyldum sínum hérlendis.

Þau gera allt í sínu valdi til að valda þessu fólki sem mestum miska og sárindum. Vitna iðulega til einhverrar lagasetningar og reka svo fólk úr landi.  Aldrei reynt að rétta því hjálparhönd. Bara sagt þvert NEI og þar við situr.

Samt dælir þessi stofnun inn flugförmum af karlkyns aröbum sem eiga fátt sameiginlegt með okkur þegar kemur að stjórnmálum, trúmálum eða menningu. Karlrembur frá helvíti sem skilja ekki að dætur þeirra geti orðið ástfangnar af vestrænum mönnum.

Fjölmenning er draumsýn vinstrifólks á Norðurlöndum. Að þjóðarbrotin sameinist einn daginn og láti af erjum sínum.  Engin Evrópuþjóð vill í raun og veru fá strangtrúaða múslima frá miðöldum inn í samfélagið sitt.  Pólítísk rétthugsun bannar okkur að viðurkenna það.  Öll dýrin í skóginum eiga að vera vinir.